Braziliýaly meşhur hüjümçi Ronaldinýo karýerasyny gaýtadan dikeldip biler. Vprognoze.ru-nyň habar bermegine görä, 40 ýaşly futbolçy «Gimnastiýa» bilen şertnama baglaşyp biler. Klubuň tälimçisi Diego Maradonanyň Ronaldinýonyň hyzmatlary bilen gyzyklanýandygy bellendi. Şeýle-de bolsa, şu güne çenli bu babatda resmi gepleşiklere başlanmady.
Ronaldinýo häzirki wagtda Paragwaýda galp resminamalary ulanandygy üçin öý tussaglygynda. Ýadymyzda bolsa köne hüjümçi we dogany Asunsion howa menzilinde tussag edilipdi. Bir aýdan soň braziliýalylar girew astynda boşadylypdy.
Braziliýaly futbolçy 2016-njy ýylda "Gimnastiýa" barmakçy bolupdy, ýöne soň geleşik baglaşylmandy.
Ronaldinýo 2015-nji ýyldan bäri resmi oýunlara gatnaşmaýar. Şol bir wagtyň özünde, 2018-nji ýylda sport karýerasyny resmi taýdan tamamlady. Braziliýaly oýunçynyň soňky topary "Fluminense" boldy.
Karýerasynda Ronaldinýo «Barselona», «Milan» we «PSŽ» ýaly klublarda çykyş etdi. Futbolçy Braziliýanyň milli ýygyndysynda-da oýnady.
Häzirki wagtda “Gimnastiýa”, Argentinanyň çempionatynyň ýaryş sanawynyň ikinji onlugynda, aşagrakda ýerleşýär. Maradona kluba geçen sentýabrdan bäri ýolbaşçylyk edýär.
Ronaldinýo Maradonanyň kluby üçin karýerasyny täzeden dikeldip biler
- 01.07.2020 05:43
- 7.3k+
