“Ýuwentusyň” goragçysy Jorjio Kiellini “Romanyň” öňki hüjümçisi Françesko Tottiniň “Altyn topa” mynasypdygy barada pikirini aýtdy. Onuň sözlerini championat.com getirýär.
“Men Françesko Totti bilen oýnadym, ýöne hemişe diýen ýaly bir-birege garşy oýnaýardyk. Men ony 2006-njy ýyldaky dünýä çempionatyndan öň Italiýanyň milli ýygyndysy üçin birnäçe oýunda gördüm, ýöne soň ol milli ýygyndydan çykdy. Totti hakykatdanam ajaýyp oýunçy, ony beýleki toparlarda görmändigimiz gynandyrýar. Ýöne onuň bütin ömrüni “Roma” bagyşlamagy juda özboluşlydyr.
Ol başaryp biljeginden juda az ýeňiş gazandy. Ol "Altyn topy" almalydy. Belki-de, ony wagtyň geçmegi bilen geljek ösüşden mahrum eden onuň özüdir. Ýöne ol bu ýoly özi söýüp saýlady.
Totti gaýry planetaly Kriştiano Ronaldunyň we Lionel Messiniň gegemoniýasyndan öň Altyn topy alyp bilerdi. Emma baýragy Maýkl Owen we Andreý Şewçenko dagy hem aldy. Olaram ajaýyp futbolçylardy, ýöne, gürrüňsiz, Tottiden gowy däldi" - diýip, Futbol Italia Kiellininiň awtobiografiýasyndan göçürme getirýär.
Kiellini: "Totti “Altyn topy” almalydy"
- 01.07.2020 05:30
- 3.7k+
