«PSŽ-niň» tälimçisi Mbappeniň esasy kemçiligi barada aýtdy

“Parisfans.fr-iň" habaryna görä, “PSŽ” fransuz toparynyň tälimçisi Zuman Kamara hüjümçi Killian Mbappeniň esasy kemçiligi barada aýtdy. “Ol ähli ukyplaryny görkezmäge synanyşýar. Gol salmagyň ýerine, driblingini görkezýär. Ol henizem ýaş. Killian wagtyň geçmegi bilen bu kemçiligini düzeder diýip umyt edýärin"-diýip tälimçi belleýär.
Mbappeniň özi muny topardan Lassana Diarranyň hem-de Janluiji Buffonyň gitmegi bilen baglanyşdyrýar. “Diarra meniň üçin hemişe bil baglap biljek uly doganym ýalydy ... Ol köplenç karýerasy, beýleki klublar hakda,  karýerasynda goýberen ýalňyşlyklary barada gürrüň berýärdi,  maňa maslahat bererdi. Toparda oňa hormat goýýardylar. Kyn günlerde maňa mydama kömek etdi. Lassana «PSŽ-den» çykanda maňa bir zat boldy. Edil şonuň ýaly-da, Jianluiji Buffonyň topardan gitmegi maňa täsir etdi. Ol meniň üçin gaty möhümdi"-diýip, Mbappe düşündirýär. Geçen möwsümde Mbappe  20 oýunda 18 pökgi geçiripdi.
COVID-19 sebäpli, Fransiýa çempionatynda 2019/20120 möwsüminiň möhletinden öň tamamlanandygyny bellemelidiris. «PSŽ» möwsümi çempion bolup tamamlady.