Ýeňil agramda UFC-niň häzirki çempiony Habib Nurmagomedowyň menejeri Ali Abdel-Aziz Habibiň irlandiýaly göreşiji Konor Makgregora rewanş bermejekdigini habar berdi. Muny championat.com ýetirýär.
“Makgregor rewanş barada gürrüň edýär, ýöne Habib ony oňa bermez. Makgregor oturyp, özüniň mümkinçiligine garaşmaly. Oňa azyndan üç urşy ýeňmek gerek. Onuň garşydaşynyň biri hem Islam Mahaçew bolmaly” – diýip, TASS Abdel-Aziziň sözlerini getirýär.
Ýatlap geçsek, Makgregor Nurmagomedow bilen rewanş geçirmek isleýändigi barada birnäçe gezek aýtdy, ýöne ol şeýle göreşde sport gyzygy bolmaz diýip jogap berdi. Ýakynda Konor karýerasyny tamamlaýandygy barada üçünji gezek habar berdi. Habibiň oktagona sentýabrda dolanmagyna garaşylýar. Ol ýeňil agramda wagtlaýyn çempion Jastin Getji bilen duşuşmaly.
31 ýaşly Nurmagomedow garyşyk başa-baş göreşde 28 gezek ýeňiş gazandy we ýeke gezek hem ýeňilmedi. 2018-nji ýylyň güýzünde ol agyryly emel bilen Makgregory ýeňdi. 31 ýaşly Makgregor 26 göreş geçirdi, 22 gezek ýeňiş gazandy we dört gezek ýeňildi. UFC-niň çempionynyň birinji titulyny ol 2015-nji ýylda aldy, soňrak ol taryhda birwagtda dürli agram kategoriýasynda (ýarym ýeňil we ýeňil) iki titula eýe bolan guramanyň ilkinji urşujysy boldy. Russiýaly Mahaçew bolsa UFC-de 19 göreş geçirdi we 18 gezek ýeňiş gazandy.
Nurmagomedowyň menejeri: Habib Makgregora rewanş bermez
- 26.06.2020 11:05
- 11k+
