Hytaý üç hemrasyny orbita üstünlikli çykardy. Bu barada Kosmiki ylymlaryň we tehnikanyň korporasiýasynyň (CASC) wekilleri gürrüň berdiler, muny piter.tv ýetirýär. 16-njy iýunda HHR “Çançžen-2D” raketa-göterijisiniň kömegi bilen kosmosa üç sany hemrasyny goýberdi. Uçuş ýerli wagt boýunça 15:19-da Gansu welaýatyndaky “Szýusýuan” kosmodromyndan amala aşyryldy.
Birinji goýberilen hemra “Gaofen-9” boldy. Ony “Dunfanhun Weýsin” kompaniýasy döretdi. Enjam Ýeriň üstüne we şäheriň meýilnamalaşdyrylyşyna gözegçilik etmek, oba hojalyk üçin territoriýalaryň ýaramlylygyny bahalandyrmak üçin gerek. Ony tebigy betbagtçylyklary öňünden çaklamak üçin hem ulanmak bolýar.
Ikinji hemra China Head Aerospace Technology kompaniýasynyň “Hede-5” hemrasy boldy. Bu enjam deňiz gurşawynda gämi gatnawy pudagyna kömek eder. Orbita goýberlen üçünji hemra Çžeszýan uniwersitetiniň “Pisin-3A” hemrasy boldy. Ony hemralaýyn tehnologiýalary öwrenmek üçin peýdalanarlar.
Bellenilip geçilişi ýaly, “Çançžen” raketalary üçin geçen missiýa eýýäm 335-nji boldy. Öň, Pekiniň “Çançžen-2C” raketa-göterijisiniň kömegi bilen dünýä ummanynyň gözegçiligi üçin ulanyljak Haiyang-1D raýat hemrasyny goýberendigi habar berildi.
Hytaý üç hemrasyny orbita üstünlikli çykardy
- 17.06.2020 22:22
- 2.8k+
