“Bawariýa” “Werderi” ýeňip Germaniýanyň çempiony boldy

Mýunhen “Bawariýasy” Germaniýanyň çempionatynyň 32-nji tapgyrynyň duşuşygynda Bremen “Werderini” ýeňdi. Bu barada gazeta.ru habar berýär.
Bremende boş tribunalarda geçen duşuşyk myhmanlaryň peýdasyna 1:0 hasaby bilen tamamlandy. Ýeňijileriň düzüminde Robert Lewandowski tapawutlandy.
79-njy minutda ikinji sary duýduryşy üçin meýdançadan “Bawariýanyň” goragçysy Alfonso Dewis çykaryldy. 32 tapgyrdan soň “Bawariýa” 76 utuk gazandy we wagtyndan öň çempion titulyny eýeledi. Indiki duşuşykda topar “Fraýburgy” garşylar.
“Werder” (28) iň soňkudan öňki, ýagny 17-nji setirde ýerleşýär. 33-nji tapgyrda klub çykyşda “Maýns” bilen duşuşar. Mýunhen “Bawariýasy” 5 sany iň gowy Ýewropa çempionatynyň taryhynda 8 gezek milli tituly yzygider utan ikinji topar boldy. “Bawariýa” 2012/2013, 2013/2014, 2014/2015, 2015/2016, 2016/2017, 2017/2018, 2018/2019, 2019/2020 möwsümlerinde çempion boldy.
Şeýle-de, mýunhenliler top-5 Ýewropa ligalarynyň taryhynda utan milli birinjilikleriniň sany boýunça üçünji klub boldy. Bu sanawda Italiýada 35 gezek çempion bolan “Ýuwentus” liderlik edýär, onuň yzyndan Madrid “Realy” (33) gelýär, üçlügi bolsa Germaniýanyň täze çempiony “Bawariýa” tituly 30 gezek utmak bilen jemleýär.