Katarda Dünýä çempionaty-2022 üçin üçünji stadion açyldy

“Gulf Times” neşiriniň habar bermegine görä, DÇ-2022 üçin hasap boýunça üçünji stadionyň resmi açylyşy Dohada geçirildi, muny odds.ru ýetirýär. Meýdançanyň açylyşyna koronawirus pandemiýasy sebäpli saglyk howpsuzlygy maksady bilen tomaşaçylar gatnaşmady. Açylyş dabarasynyň özi koronawirus pandemiýasyna garamazdan, meýdançanyň gurluşygyny dowam etdiren işgärlere bagyşlanyldy. Bu barada futbolyň halkara federasiýasynyň prezidenti Janni Infantino sözüniň dowamynda aýratyn belläp geçdi.
“Işçileriň miwesi bolan stadionyň açylyşy şular ýaly kyn wagtda çydamlylygyň ajaýyp nusgasy bolup durýar” – diýip, ol belleýär.
Education City Stadium (resmi däl ady – “Çöldäki almaz”) adyny alan täze meýdança almazyň şekilinde we ol özünde 40 müň tomaşaçyny ýerleşdirýär. Stadion ýurduň köp sanly okuw edaralarynyň ýerleşýän ýerinde, Dohada okuw şäherçesiniň territoriýasynda bina edilen. Bellenilip geçilişi ýaly, hut şu meýdançada turniriň dörtden bir final tapgyrynyň oýunlary geçer.
Täze stadion 2022-nji ýylyň çempionatyna açylan hasap boýunça üçünji stadion boldy. 2022-nji ýylyň futbol boýunça Dünýä çempionaty Katarda 21-nji noýabrdan 18-nji dekabr aralygynda geçer. Katar dünýä birinjiligini geçirmeklige hukuk gazanan ilkinji arap ýurdy boldy.
Belläp geçsek, öň Eýran DÇ-2022-ni geçirmekde Katara kömek etmäge taýýardygyny aýtdy. Bu barada Eýranyň prezidenti Hasan Rouhani Kataryň emiri Tamim ben Hamad Al Tani bilen telefon gepleşiginiň dowamynda aýtdy.
- Katardaky DÇ-2022 barada gepleşigiň dowamynda Rouhani Eýranyň turniri has üstünlikli guralmagynda Katara ýardam bermäge taýýardygyny aýtdy – diýlip, Eýranyň prezidentiniň saýtynda bellenilýär.