Çempionlar ligasynyň finaly 2022-nji ýylda Sankt-Peterburgda geçer

Sankt-Peterburg 2022-nji ýylda Çempionlar ligasynyň final ýaryşyny garşylar. Bu barada vprognoze.ru habar berýär. Çeşmäniň maglumatlaryna görä, 2021-nji ýylda ähmiýeti boýunça birinji ýewropa turnirini Stambul kabul eder. Ilkibaşda “Gazprom Arena” stadiony Çempionlar ligasynyň finalyny 2021-nji ýylda garşylamalydy, Stambulda bolsa häzirki möwsümiň Çempionlar ligasynyň final oýny geçmelidi. Ýöne koronawirus pandemiýasy sebäpli senenamada üýtgeşmeler bolup geçdi.
2019/20-möwsümiň Çempionlar ligasynyň final duşuşygy Lissabonda geçiriler. Şunuň bilen birlikde Portugaliýada turniriň 1/4 finalynyň tapgyryndan başlap, ähli galan oýunlaryny geçirmek meýilleşdirilýär. Soňky tapgyryň oýunlary Portugaliýanyň esasy şäheriniň iki stadionynda 12-23-nji awgustda geçer. Öň, Russiýa Çempionlar ligasynyň finalyny bir gezek – 2008-nji ýylda Moskwada “Lužniki” stadionynda geçirdi.
Ýatladyp geçsek, ähmiýeti boýunça birinji Ýewropa turniriniň oýunlary COVID-19 pandemiýasy sebäpli saklanyldy. Käbir garşylyklaryň esasynda 1/8 finalyň oýunlary tamamlandy. Häzirki wagtda ÇL-nyň dörtden bir finalyna “PSŽ”, “Atletiko”, “Atalanta” we “Leýpsig” geçdi.
Çempionlar ligasynyň möwsüm oýny awgustda dikeldiler diýlip garaşylýar. Turniriň häzirki çempiony “Liwerpul” hasaplanylýar. Şu möwsümde Ýurgen Kloppyň topary iki oýunly garşylygyň netijesinde “Atletiko” ýol berip, ÇL-dan çykdy.