Futbol boýunça Italiýanyň kubogynyň finalçylary belli boldy

“Ýuwentus” futbol boýunça Italiýanyň kubogynyň finalyna çykdy. Jogap ýarym final oýnunda Turin kluby “Milan” bilen deňe-deň oýnady. Duşuşyk 0:0 hasaby bilen tamamlandy. Bu barada regnum.ru habar berýär.
Oýnuň 16-njy minutynda “Ýuwentusyň” hüjümçisi Kriştianu Ronaldu jerime urgusyny geçirip bilmedi. Şundan soň “Milan” az oýunçyly bolup galdy, gödek oýny üçin hüjümçi Ante Rebiç oýundan çykaryldy.
Ýatladyp geçsek, Italiýanyň kubogynyň ýarym finalynyň birinji oýny 13-nji fewralda Milanda geçdi we 1:1 hasaby bilen tamamlandy. Şeýlelik bilen, “Ýuwentus” çykyşdaky golunyň hasabyna turniriň finalyna çykdy.
Ikinji finala çykan klub “Napoli” boldy. Ol “Inter” bilen duşuşykda 1:1 hasap bilen oýnady. Birinji oýunda “Napoli” daşynda ýeňiş gazandy, hasap 1:0.
“Ýuwentusyň” hüjümçisi Kriştianu Ronaldu Turin toparynyň Italiýanyň kubogynyň finalyna çykmagyna seslendi.
- Restart başgaça boldy, ýöne biz öz maksadymyza ýetdik. Rim, ine-de biz – diýip, Ronaldu Instagramda ýazýar.
Italiýanyň Kubogynyň final oýny 17-nji iýunda Rimde geçer.