“Liwerpulyň” oýunçysy Wirjil wan Deýk klubyň taryhynda iň ýokary hak tölenýän oýunçy bolar. Bu barada soccer.ru habar berýär.
Çeşmäniň nygtamagyna görä, gollandiýaly oýunçy “mersisaýdlar” bilen 5 ýyl möhletli täze şertnama gol çeker, onuň zähmet haky bolsa hepdede 180 müňden 220 müň funta çenli ýokarlanar. Bellenilip geçilişi ýaly, 28 ýaşly futbolist onuň iş hakyny hepdede 280 müň funta çenli ýokarlandyrmaga taýýar bolan “Pari Sen-Žermeniň” teklibinden boýun gaçyrdy.
Häzirki wagtda “Liwerpulyň” taryhynda iň ýokary hakly oýunçy toparyň hüjümçisi Mohamed Salah hasaplanylýar. Onuň hepdelik iş haky 200 müň funta barabar.
Ýatladyp geçsek, wan Deýk “Liwerpula” geçmezinden öň “Sautgempton”, “Seltik” we “Groningen” klublarynda çykyş etdi. Ol “Liwerpulda” 2018-nji ýylyň ýanwaryndan bäri çykyş edýär.
Öň, “Liwerpulyň” derwezebançy Alissonyň hem şertnama şertlerini gowulandyrmakçy bolýandygy habar berildi.
Wan Deýk taryhda “Liwerpulyň” iň ýokary hak tölenýän oýunçysy bolar
- 12.06.2020 22:57
- 3.8k+
