Barlaglar Messiniň Ronaldudan iki esse netijelidigini görkezdi

Leo Messi we Kriştianu Ronaldu soňky onýyllygyň içinde olaryň haýsysynyň dünýäde iň gowy futbolistdigi barada çekeleşikleri alyp bardylar. Bu ada alty gezek argentinaly oýunçy, bäş gezek bolsa portugaliýaly oýunçy eýe boldy.
Bu meseläni çözmek üçin, professional futbol guramalaryny, futbolistleri we HBS-ni informasiýalardan üpjün etmek işi bilen SciSports golland kompaniýasy Belgiýadaky Lewýon uniwersiteti bilen bilelikde “Barselonanyň” kapitany Lionel Messiniň we “Ýuwentusyň” hüjümçisi Kriştianu Ronaldunyň oýnaýyş hiliniň barlagyny geçirdiler. Bu barada soccer.ru habar berýär.
Hasaba laýyklykda, argentinaly futbolist portugaliýaly hüjümçiden iki esse netijeli. Barlag oýun parametrleriniň köp böleginiň analizini göz öňünde tutýar. Hususan-da, futbolistiň meýdançada alyp baran ähli hereketleri we olaryň oýnuň ahyrky netijesine täsiri seljerilýär.
Barlag üçin alnan statistik maglumatlaryň 2013-nji ýyldan 2018-nji ýyl aralygyna, ýagny Ronaldunyň karýerasynyň has üstünlikli bolan wagtyna (şu aralykda portugaliýaly “Real” bilen dört gezek Çempionlar ligasyny utdy we dört sany “Altyn pökgini” aldy, şeýle-de Portugaliýanyň ýygyndy toparynyň düzüminde Ýewropanyň çempiony boldy) degişlidigini belläp geçmeli.
Messiniň oýun hereketleriniň netijeliliginiň jemleýji görkezijisi Ronaldunyň 0,61-ine garşy bolmak bilen, 1,21-e barabar boldy. Barlag Messi Ronaldu garanda top bilen köp hereket edýär we oýnuň ahyrky netijesine täsirini köp ýetirýär diýen netijä geldi.
Ylmy barlaglaryň gürrüňini etmek kyn, esasanam, futbolistleriň deňeşdirilýän ölçegleri dolulygyna belli bolmadyk ýagdaýynda kyn. Bir görseň bu ýerde toparlaýyn çemeleşme ýetmezçilik edýär, sebäbi oýunçylary täsiri matematiki hasaplamalara boýun egmeýän ýoldaşlarynyň we janköýerleriniň çäginden aýyrmak mümkin däl.
Şonuň üçin “Barselonanyň” hüjümçisi Ronaldudan iki esse gowy diýip tassyklamaly bolýar, bu gaty bir dogry hem däl. Sebäbi portugaliýaly oýuncy daşky alamatlary boýunça-da argentinalydan öňe geçýär. Ronaldu ýaňy-ýakynda ilkinji futbolist-milliarder boldy, onuň internetdäki abunaçylarynyň sany hem köp, diňe Instagramyň özünde 222 mln abunaçysy bar.