Çempionlar ligasyny dikeltmek 8-nji awgusta meýilleşdirildi

Ýewropanyň futbol assosiasiýalarynyň birleşigi koronawirus pandemiýasy sebäpli saklanylan UEFA-nyň Çempionlar ligasynda möwsümiň galan bölegini geçirmegiň meýilnamasyny taýýarlady. Bu barada sport-interfax.ru habar berýär.
AS neşiriniň habar bermegine görä, Ýewropanyň esasy klub turniriniň 8-9-njy awgustda dikeldilmegine garaşylýar: bu günler UEFA-nyň 1/8 finalynyň galan jogap oýunlary geçiriler. Gürrüň “Mançester Siti” – “Real” (birinji duşuşygyň netijesi - 2:1), “Ýuwentus – Lion” (0:1), “Bawariýa” – “Çelsi” (3:0) we “Barselona” – “Napoli” toparlary barada gidýär.
Bu jübüt toparlaryň ýeňijileri 1/8 finalyň öň geçen tapgyryna PSŽ, “Atletiko”, “RB Leýpsig” we “Atalanta” goşular. 12-nji awgustda, UEFA-nyň meýilnamasyna laýyklykda, Lissabonda bir oýundan pleý-off formatda mini-turnir başlamaly. Oýunlar “Žoze Alwalade” we “Eştadiu da Luş” stadionlarynda boş tribunada geçmeli. Turniriň finaly 23-nji awgustda “Eştadiu da Luşda” geçer.
UEFA-nyň Çempionlar ligasyny we Ýewropa ligasyny geçirmek üçin göz öňünde tutulan Stambula we Gdanska töleg tölejekdigi habar berilýär. Ýöne Ýewropa ligasynda möwsümiň galan bölegini geçirmegiň konsepsiýasy UEFA-da heniz kesgitlenilmedi. Ýewropa Ligasynyň jemleýji oýny Polşada däl-de, Germaniýada geçer.
Çempionlar ligasyny we Ýewropa ligasyny tamamlamak boýunça gutarnykly çözgüt 17-nji iýunda UEFA-nyň ýerine ýetiriji komitetiniň mejlisinde kabul edilmeli.