UFC-niň agyr agramda çempiony, horwat gelip çykyşly amerikaly göreşiji Stipe Mioçiç Instagram sahypasynda suratyny neşir etdi hem-de oktagona dolanmak meýli barada beýan etdi, diýip Чемпионат portaly habar berýär.
«Wagt geldi. Kim taýyn?!» - ine, hut şu ýazgyny Mioçiç suratynyň aşagyndan ýazypdyr. Mart aýynyň başynda Mioçiç Daniel Kormýe bilen ikinji göreşinde alan şikesinden sagalandygyny we 2020-nji ýylyň tomsunda üçünji gezek göreşe çykmaga taýyndygyny habar beripdi. Emma koronawirus pandemiýasy zerarly bu meýiller puç boldy. Mioçiç epidemiýa ýatyşmasa, göreşlere gatnaşmakdan ýüz öwürdi.
2018-nji ýylyň iýulynda UFC 226 ýaryşynyň çäginde Stipe bilen Danieliň arasynda geçirilen birinji göreşde Kormýe birinji raundda Mioçiçi nokauta gidirdi we onuň guşagyny aldy. Emma 2019-njy ýylyň awgustynda Stipe UFC 241 ýaryşynda dördünji raundda tehniki nokaut bilen Danieli ýeňip, guşagy yzyna almagy başardy.
«Wagt geldi. Kim taýyn?!»: UFC-niň çempiony Mioçiç oktagona dolanýar
- 08.06.2020 18:38
- 8.3k+
