Makgregor göreşlere gyzyklanmasynyň gaçandygy sebäpli karýerasyny tamamlaýar

Absolýut göreş çempionatynyň (UFC) iki agram derejedäki öňki çempiony irlandiýaly göreşiji Konor Makgregor sport karýerasyny tamamlamak barada karara gelmeginiň sebäbini düşündirdi. Bu barada Ria Nowosti habar berýär.
ESPN-niň habar bermegine görä, Makgregor göreşlerden sowaşdy we indiki garşydaşyna uzak garaşmak islemeýär.
«Bu oýun meni gyzyklandyrmasyny bes etdi. Men uzak wagt bäri garaşýaryn, emma hiç zat bolup geçmeýär. Men özüm üçin garşydaşlary gözden geçirdim, emma mynasybyny tapyp bilmedim» - diýip ol belledi.
Konor UFC-niň ýolbaşçylygyna öz karýerasyny ösdürmegiň meýilnamasyny hödürländigini, emma bu meýilnamanyň seslenme tapmandygyny nygtady.
«Men az-owlak ýadadym. Men soňky duşuşyklaryň birnäçesine tomaşa etdim. Olaryň hiç biri hem mende täsir galdyrmady. Bilmedim, belki bu tomaşaçylaryň ýoklugyndandyr. Bu ýagdaý meni täsirlendirmeýär» - diýip UFC-niň öňki çempiony öz garaýyşlary bilen paýlaşdy.
Mundan öň, Makgregor karýerasyny tamamlaýandygyny yglan edipdi, bu eýýäm türgeniň sport karýerasyny üçünji gezek tamamlaýşy.
Tutuş karýerasynda MMA-da Makgregor 22 gezek ýeňiş gazandy we dört gezek ýeňlişe sezewar boldy.