Diego Kosta alty aý tussaglyga höküm edildi

Madridiň kazyýeti Madridiň “Atletikosynyň” futbolisti Diego Kostany salgytlary tölemekden boýun gaçyrandygy üçin alty aý tussaglyga höküm etdi, bu barada El Mundo neşirine salgylanmak bilen rsport.ria.ru habar berýär.
Kazyýet işi penşenbe güni geçirildi. Ýöne oýunçy tussaghana iberilmez, sebäbi ol 36 müň ýewro möçberde jerime tölemäge razy boldy. Reýter agentliginiň maglumatlary boýunça, bu pul “Atletikonyň” hüjümçisi tarapyndan 507,2 müň ýewro möçberdäki jerimä goşmaça edilip töleniler. Öň, Kosta ispan maliýe edarasyna 2014-nji ýylda imij hukuklarynyň geçirilmeginden gelen girdejiden tölemedik 1,1 mln ýewro möçberdäki puluny töledi.
Ilkibaşda oýunçy maliýe edarasy bilen ylalaşmakdan boýun gaçyrdy, ýöne soňundan ol öz hereketlerine düşündi. Kosta "Atletikodan” şu iş boýunça onuň maliýe meselelerini çözüp bermegi sorady, klub muňa razy bolmady, ýöne maliýe edarasy bilen hiç hili kynçylyksyz hasaplaşyp biler ýaly oýunça awans töledi.
Öň, Kostanyň sport geýimlerini öndürijileriň biri bilen 800 müň ýewro möçberde hemaýatkärlik şertnamasyny baglanyşandygy habar berildi. Ispaniýanyň hökümeti futbolist bu ylalaşygy Ispaniýada doly möçberde beýannamada görkezmedi diýip çaklady. 2014-nji ýylda Londonyň “Çelsi” klubyna geçen Kosta bu ýylda Beýik Britaniýanyň salgyt wekili boldum diýip hasaplady.
Şu möwsümde Kosta Ispaniýanyň çempionatynda 13 oýna gatnaşdy, 2 gezek gol saldy we şonça-da netijeli geçirim etdi.