Ronaldu taryhda ilkinji futbolist-milliarder boldy

Turiniň “Ýuwentusynyň” portugaliýaly hüjümçisi Kriştianu Ronaldu dünýäde $1 milliarddan gowrak gazanan ilkinji futbolist boldy. Bu barada russian.rt.com habar berýär.
“Forbes” neşiriniň habar bermegine görä, 35 ýaşly portugaliýalynyň aýlygyny ($650 mln), baýrak pullaryny, hemaýatkärlik şertnamalaryny we beýleki tölegleri öz içine alýan karýerasy üçin umumy girdejisi eýýäm $1 milliarddan geçdi. Bellenilip geçilişi ýaly, ol taryhda karýerasynda $1 milliardan gowrak gazanmagy başaran sportuň toparlaýyn görnüşinde ilkinji türgen, golfçy Taýger Wudsdan hem-de boksçy Floýd Meýwezerden soň bolsa üçünji türgen boldy. Soňky ýylda portugaliýaly futbolçy $105 mln gazandy, bu bolsa oňa 2020-nji ýylyň iň baý meşhur adamlarynyň sanawynda dördünji orna geçmäge mümkinçilik berdi.
Karýerasynyň dowamynda Ronaldu “Sporting”, “Mançester Ýunaýted”, “Real” we “Ýuwentus” ýaly klublarda çykyş etdi. “Realyň” düzüminde ol dokuz ýyl boldy. “Ýuwentusyň” düzüminde bolsa ol 2018-nji ýyldan bäri oýnaýar. Ol “Altyn pökginiň” bäş gezek eýesi boldy. Umumy alanyňda, onda 27 sany klub baýragy bar, ýene-de ikisini ol Portugaliýanyň ýygyndy toparynyň düzüminde aldy.
Ýatladyp geçsek, “Forbes” neşiriniň 2020-nji ýylyň iň köp hak tölenýän türgenleriniň reýtinginde Ronaldu 105 mln dollar gazanç bilen şweýsar tennisçisi Rojer Federere (106,3 mln) ýol berip, ikinji orny eýeledi.