Mbappeniň bahasy tas 50 million ýewro pese düşdi

“PSŽ-niň” we Fransiýanyň ýygyndy toparynyň hüjümçisi Kilian Mbappeniň transfer bahasy KPMG Football Benchmark kompaniýasynyň derňewine laýyklykda, tas 50 million ýewro pese düşdi. Bu barada odds.ru belläp geçýär.
Kompaniýa koronawirus pandemiýasynyň we onuň ýüze çykaran maliýe çökgünliginiň dünýäniň iň gymmat futbolistleriniň bahasyna nähili täsir edendigini anyklamak üçin derňew geçirmek kararyna geldi.
Kilian Mbappeniň pandemiýadan öň bahasy 225 million ýewro barabardy. Ýöne pandemiýadan soň fransuz oýunçysynyň bahasy 21,5 göterim, ýagny 177 million ýewro çenli pese düşdi. Şol bir wagtda Braziliýanyň ýygyndy toparynyň hüjümçisi we Mbappeniň topardaşy Neýmaryň bahasy hem 21,7% arzanlady, ýagny onuň bahasy 175 million ýewrodan 137 million ýewro çenli peseldi. Üçlügi Angliýanyň ýygyndy toparynyň we “Mançester Sitiniň” hawbeki Rahim Sterling jemleýär. 25 ýaşly ýarymgoragçynyň bahasy 10,5%, ýagny 150 million ýewrodan 134 million ýewro çenli pese düşdi.
Derňew işleriniň dowamynda kompaniýa futbolistleriň indiwidual görkezijilerinden başlap, klubyň maliýe ýagdaýyna çenli ähli faktorlary we şertnamanyň oýunçylar bilen galan wagtyny öwrendi. Mundan başga-da, iki zat, ýagny oýunçynyň oýnaýan ligasy şu möwsümde wagtyndan öň saklanylan bolsa, oýunçynyň satuw bahasy we liga dikeldilen ýagdaýynda oýunçynyň satuw bahasy göz öňünde tutuldy.