Jon Jons ýarym orta agramda UFC-niň titulyndan ýüz öwürmekçi bolýar

Garyşyk göreşiň amerikaly göreşijisi Jon Jons Absolýut göreş çempionatynyň (UFC) ýarym orta agramdaky titulyndan ýüz öwürmegi meýilleşdirýändigini aýtdy. Bu barada türgeniň Twitterde aýdanlaryna salgylanyp, Trend agentligi habar berýär. 
«Dominik Reýes we Ýan Blahowiç bilen ýarym orta agramda titul göreşini gurnap beriň. Häzirki wagtda men olaryň hiç haýsy bilen hem göreş üçin hiç zat gazanmaryn. 2021-nji ýylda meniň bilen ýeňil göreş gurnamak isleseňiz mälim ediň. Şol wagta çenli, maňa töläp bilerler diýip umyt edýärin» - diýip Jons ýazýar.
Ulanyjylaryň biriniň bu diýildiginiň Jonsuň tituldan ýüz öwürmegini aňladýandygyny soramagyna ol tassyklap jogap berdi.
Indiki göreş sebäpli Jonsuň UFC-niň prezidenti Dena Uaýt bilen dawasy bar. Jons agyr agramlylaryň reýtinginiň ikinji belgili göreşijisi Fransis Ngannu garşy göreşmek isledi, emma Uaýt Jonsuň 30 million dollar baýrak sorandygy sebäpli bu göreşi gurnamady.
Jons agram derejesine garamazdan, UFC-niň reýtinginde birinji orny eýeleýär. MMA-da onuň bir ýeňlişi we 26 ýeňşi bar.