Federer ýylyň iň ýokary hak tölenýän türgenleriniň reýtingini esaslandyrdy

Professional tennisçi Rojer Federer iň ýokary hak tölenýän türgenleriň reýtinginde birinji setiri eýeledi. Indi ol Forbes neşiriniň 2020-nji ýyl üçin düzen reýtinginde birinji orunda durýar. Bu täzelik neşiriň resmi saýtynda neşir edildi, muny ctnews.ru belläp geçýär. Rojeriň umumy gazanjy 106,3 mln dollara barabar boldy. Bu puluň içine tennisçiniň turnirlerden alan baýrak pullary, şeýle-de mahabat şertnamalaryndan girdejileri girýär. Neşiriň maglumatlary boýunça, 38 ýaşly Federeriň brendler bilen 13 şertnamasy bar, olaryň hersi $3 mln-dan $30 mln-a çenli töleýär.
Sanawyň ikinji ornuny “Ýuwentusyň” futbolisti Kriştianu Ronaldu eýeledi. Bir ýylyň içinde ol 105 mln dollar gazandy. Üçlügi Lionel Messi jemleýär. Onuň bir ýyldaky gazanjy 104 mln dollara barabar bolýar.
Onluga Neýmar (futbol, Braziliýa, $95,5 mln), Lebron Jeýms (basketbol, ABŞ, $88,2 mln), Stefan Karri (basketbol, ABŞ, $74,4 mln), Kewin Dýurent (basketbol, ABŞ, $63,9 mln), Taýger Wuds (golf, ABŞ, $62,3 mln), Kirk Kazins (amerikan futboly, ABŞ, $60,5 mln) we Karson Wents (amerikan futboly, ABŞ, $59,1 mln) hem girdi.
Federer “Uly şlem” turniriniň taryhynda titully tennisçi hasaplanylýar. Ol sekiz gezek Uimbldonda, alty gezek Australian Open, bäş gezek US Open turnirlerinde, bir gezek “Rolan Garrosda” ýeňiş gazandy. Gowy oýunçy titulyny ol 310 hepde saklady, bu bolsa rekord görkezijidir. Fewralyň ortalarynda oýunçy sag dyzyndan artroskopik operasiýany geçirdi. Onuň bejergisi iýuna çenli dowam eder.
Häzirki tennis möwsümi koronawirus pandemiýasy sebäpli saklanyldy. Tennisiň halkara federasiýasy ähli ýaryşlary 31-nji iýula çenli ýatyrdy. Professional-tennisçileriň Assosiasiýasy we Zenanlar tennis Assosiasiýasy hem şeýle netijä geldi. 2020-nji ýylda Uimbldon turniri geçirilmez, “Rolan Garros” güýze süýşürildi.
Forbes neşiriniň hasaplamasy boýunça, dünýäniň iň ýokary hakly türgenleriniň girdejileri dört ýylyň içinde ilkinji gezek kemeldi. Bu COVID-19 pandemiýasy bilen bagly. Şu ýylda dünýäniň 100 sany iň ýokary hakly türgenleri umumylykda $3,6 milliard gazandylar, bu bolsa geçen ýyla garanda 9% azdyr.