Ispaniýanyň futbol boýunça çempionatynyň koronawirus zerarly arasy kesilen 2019/20 möwsümi 11-nji iýunda «Sewilýa» we «Betisiň» arasyndaky duşuşyk bilen dikeldilip bilner. Bu barada La Liganyň (Ispaniýanyň çempionatynyň ýokary diwiziony) prezidenti Hawýer Tebas habar berdi. Onuň sözlerini Marca ispan neşiri getirýär, diýip Trend agentligi belleýär.
«11-nji iýunda biz [koronawirus ýokanjy bilen keselländen soň] aradan çykanlaryň ýagty ýadygärligini hatyralap biljek özboluşly futbol duşuşygymyzyň geçirilmek mümkinçiligi bar. Men bu duşuşygyň sewil derbisi bolmagyny islärdim (TASS düzediş: bir şäherde ýerleşýän «Sewilýa» bilen «Betis» toparlarynyň duşuşygy). Duşuşygy ýerli wagt bilen 22:00-da başlamak meýilleşdirilýär. Häzirki wagtda biz bu senäniň tassyklanylmagyna garaşýarys» diýip, Tebas aýtdy.
Ispaniýanyň çempionaty koronawirus pandemiýasy zerarly mart aýynda saklandy. Mejbury arakesmä çenli klublar meýilleşdirilen 38 duşuşykdan 27-sini geçirdiler. Turbir tablisasynyň birinji orny «Barselona» (58 utuk), ikinji orny «Real» (56 utuk), üçünji orny bolsa, «Sewilýa» (47 utuk) eýeleýär. 18-nji maýdan başlap, klublara 10 adamdan geçmeýän toparlaýyn türgenleşikleri geçirmeklige rugsat berildi. Muňa çenli oýunçylar indiwidual maksatnama boýunça türgenleşik geçýärdiler.
Ispaniýanyň futbol boýunça çempionaty 11-nji iýunda dikeldilip bilner
- 25.05.2020 08:38
- 3.7k+
