“Ýuwentus” Zidany kluba tälimçilik etmäge çagyrýar

Soccer.ru saýty “Ýuwentus” klubynyň Madridiň “Realynyň” baş tälimçisi Zinedin Zidany öz toparyna almaga bil baglaýandygyny habar berýär. Fransuz tälimçisiniň turin topary bilen işleşýän Maurisio Sarriniň ýerini çalşyrmagy mümkin. Çeşmäniň maglumatlaryna laýyklykda, Zinedin Zidanyň prezident Florentino Peres bilen ýitileşen gatnaşyklary sebäpli “Realdan” gitmegi ahmal. Bellenilip geçilişi ýaly, turinliler ýaňy-ýakynda Madrid klubynyň halypasy we öň “Ýuwentusyň” futbolisti bolan Zidan bilen habarlaşdylar we oňa indiki möwsümden başlap topara ýolbaşçylyk etmegi hödürlediler. Zidanyň “Real” bilen häzirki şertnamasy 2022-nji ýylyň tomsuna çenli niýetlenilen. Şonda Sarriniň hem şertnamasynyň möhleti tamamlanýar.
Tälimçi eýýäm Çempionlar ligasynda üç gezek yzygider ýeňişden soň, ýagny 2018-nji ýylda “Realdan” gidipdi, ýöne bir ýyl geçenden soň ol öz wezipesine dolanyp bardy.
“Ýuwentus” Italiýanyň çempionatynda 26 tapgyrdan soň 63 utuk gazanmak bilen birinji setiri eýeleýär. Turinliler ikinji ýerde gelýän “Lasiodan” bir utuk öňde.