UFC 249 turniriniň ýatyrylandygyna garamazdan, UFC-niň ýeňil agramlylarynyň reýtinginiň birinji belgili göreşijisi Toni Fergýuson türgenleşik prosesini bes etmekçi bolmaýandygyny we öz maksadynda ünsüni jemlemegi dowam etdirýändigini habar berdi. Bu barada fighttime.ru belleýär.
“Ýeri, bolýa — men barybir türgenleşigi dowam etdirerin” – diýip, Fergýuson “OC Register” gazetine beren interwýusynda belleýär.
Şou resmi taýdan ýatyrylandan soň, indi Fergýusona wagtlaýyn titul üçin Jastin Getji bilen göreşmek gerek däl, ol Habib Nurmagomedowa degişli bolan UFC-niň ýeňil agramda çempion guşagyna esasy dalaşgär bolmagynda galýar.
“Men özümiň adaty işlerim bilen meşgullanmagy we baýraklary ýygnamagy dowam etdirmekçi bolýaryn. Men ertirlerine oýanaryn, dileg ederin, özümiň kiçijik oglumy we aýalymy gujaklaryn, ýene-de türgenleşerin. Mundan başga men näme bilen meşgullanaýyn?”
Fergýusonyň aýtmagyna görä, ol türgenleşik prosesini üýtgetmegi we indiki göreşe çenli myşsalaryny artdyrmagy göz öňünde tutýar.
“Men türgenleşigi dowam etdirjek, bilýäňizmi, näme? Men muskullarymy biraz ösdürmekçi bolýaryn. Men gaty hor. Men biraz myşsa agramyny artdyraryn.
Özümiň nämä ukyplydygymy görkezmek üçin ähli güýjüm bilen işlemegimi dowam etdirerin”.
Öň, Habib Nurmagomedow Toni Fergýuson bilen göreşe awgustda San-Fransiskoda ýa-da sentýabrda Abu-Dabide çykmaga taýýar boljakdygyny habar berdi.
Toni Fergýuson UFC 249 turniriniň ýatyrylmagyna garaýşyny aýtdy
- 14.04.2020 23:10
- 9.3k+
