Messi Transfermarktyň wersiýasy boýunça 28 million ýewro, Ronaldu 15 mln ýewro arzanlady

Transfermarkt portaly koronawirus pandemiýasy sebäpli saklanan möwsümiň fonunda futbolistleriň transfer bahalaryny täzeledi.
“Barselonanyň” hüjümçisi Lionel Messiniň gymmatlylygynyň 140-dan 112 million ýewro çenli peselendigi habar berilýär. 32 ýaşly argentinaly oýunçy iň gymmat oýunçylaryň reýtinginde dokuzynjy orna düşdi. Bu barada news.sportbox.ru habar berýär.
“Ýuwentusyň” hüjümçisi Kriştianu Ronaldu bu sanawda 46-njy orunda ýerleşdi. Häzirki wagtda 35 ýaşly portugaliýaly 60 million ýewro durýar, onuň bahasy 15 million peseldi.
Dünýäniň iň gymmat oýunçysy “PSŽ-niň” fransuz hüjümçisi Kilian Mbappe hasaplanylýar. Portal ony 180 million ýewro diýip bahalandyrýar.
Ikinji we üçünji orny “Mançester Sitiniň” hawbeki Rahim Sterling we “PSŽ-niň” hüjümçisi Neýmar paýlaşýar. Olaryň ikisiniň hem gymmatlylygy 128 million.
Transfermarkt portalynyň wersiýasy boýunça dünýäniň iň gymmat futbolistleriniň 10-lugy:
1. Kilian Mbappe (“PSŽ”, Fransiýa) – 180 million ýewro
2-3. Rahim Sterling (“Mançester Siti”, Angliýa) – 128
2-3. Neýmar (“PSŽ”, Braziliýa) – 128
4-7. Sadio Mane (“Liwerpul”, Senegal) – 120
4-7. Mohamed Salah (“Liwerpul”, Müsür) – 120
4-7. Garri Keýn (“Tottenhem”, Angliýa) – 120
4-7. Kewin de Brýuýne (“Mançester Siti”, Belgiýa) – 120
8. Jeýdon Sanço (“Borussiýa”, Angliýa) – 117
9. Lionel Messi (“Barselona”, Argentina) – 112
10. Trent Aleksander-Arnold (“Liwerpul”, Angliýa) – 99...
46. Kriştianu Ronaldu (“Ýuwentus”, Portugaliýa) – 60.