Alymlar koronawirusyň ýüze çykarýan keselini bejermekde gan goýbermäniň kömek etjekdigini belleýärler

Gonkong uniwersitetiniň alymlary täze koronawirusyň ýüze çykarýan keselini bejermekde öň keselliden alnan, düzüminde wirus antibedenjiklerini saklaýan ganyň goýberilmegi kömek edip biler diýip çaklaýarlar. Muny homýaklarda geçirilen eksperimentler tassyklaýar, bu barada Trend TACC-a salgylanmak bilen habar berýär.
Mikrobiologlar Siriýanyň altyn reňkli homýaklarynda olaryň organizmindäki ACE2 belok gurluşy adamyňky bilen gabat gelýär diýen hasabat bilen tejribe geçirip gördüler. Bu belok koronawirusyň öýjüge girmegi üçin reseptor hasaplanylýar.
Kesellän pursadynyň ilkinji hepdesinde haýwanjyklarda öýkeniň, dem alyş ýollarynyň, immun sistemasynyň, içegäniň zaýalanmagy bilen bagly agyr alamatlar ýüze çykyp başlady. “Takmynan dördülenji gün infeksiýa has güýçlendi, netijede öýken gan akmasy bellige alyndy” – diýip barlagy geçiriji professor Ýuen Kwok-ýun aýdýar. Ýöne bir hepde geçenden soň, onuň aýtmagyna görä, käbir gemrijiler ýuwaş-ýuwaşdan gutulyp başladylar, olaryň agramy kadaly ýagdaýa gelýärdi, ganda bolsa antibedenjikler peýda boldy.
Şondan soň alymlar olaryň ganyny sagdyn homýaklara goýbermek üçin ulandylar, soňra oňa koronawirusy ýokuşdyrdylar. Şeýle ýagdaýda gemrijiniň organizmindäki wirus 10 esse pesdi. “Eger-de biz adamlarda hem şeýle etsek, ýagny gutulan adamlaryň ganynyň plazmasyny wena arkaly goýbersek, bu hakykatdan hem wirusy gowşatmak bilen olara sagalmaga kömek edip biler” – diýip professor Ýuen çaklaýar. Ol häzir toparyň adamlarda degişli barlaglary geçirmek mümkinçiligine eýe bolmak üçin etika boýunça medisina komiteti tarapyndan makullanylma garaşýandygyny habar berdi.
Eksperimentleriň dowamynda infeksiýa goýberilen homýaklaryň sagdyn homýaklar bilen bir kletkada ýerleşip, olara koronawirus ýokuşdyrmaga ukyplydygy ýüze çykaryldy.