Ýeňil agramda UFC-niň çempiony Habib Nurmagomedowyň menejeri Rizwan Magomedow türgeniň Toni Fergýuson bilen Jastin Getjiniň arasyndaky göreşiň ýeňijisi bilen uruşmaga taýýardygyny mälim etdi.
— Garşydaşyň Fergýuson – Getji göreşiniň ýeňijisi boljakdygy anyk zat. Öz guşagyňy goramak – bu çempionyň borjy. Şu ýerde garşydaş kesgitlener – diýip news.sportbox.ru Magomedowyň sözlerini getirýär.
Ýatladyp geçsek, Nurmagomedow bilen Fergýusonyň arasyndaky titul göreşi 18-nji aprelde Bruklinde (ABŞ) geçirilmegi meýilleşdirilen UFC 249 turniriniň esasy göreşi bolmalydy. Apreliň başynda Habib koronawirus pandemiýasy zerarly Russiýada karantinde galýandygyny aýtdy, netijede onuň Fergýuson bilen göreşi ýatyryldy.
Duşenbe güni promouşeniň ýolbaşçysy Dana Uaýt Habibe derek Getjiniň Toni Fergýusonyň garşydaşy boljakdygyny habar berdi.
UFC 249 turniriniň ýa-ha kärendesine alnan adada, ýa-da Kaliforniýada indeýleriň rezerwasiýasynda geçirilmegi mümkin.
Habib Fergýuson – Getji göreşiniň ýeňijisi bilen uruşmaga taýýar
- 10.04.2020 06:54
- 10k+
