Öň hem bellenilip gelşine görä, UFC 249 turniri geçiriler. Agşamyň esasy göreşinde ýeňil agramly kategoriýanyň reýtingindäki birinji belgili Toni Fergýuson reýtingiň dördünji belgisi Jastin Getji bilen duşuşar, bu barada ru.ufc.com habar berýär. Göreşiň esasynda şu agramda UFC-niň wagtlaýyn çempionynyň guşagy durar. Ýöne göreş üçin heniz şertnama gol çekilenok.
Belläp geçsek, Fergýuson on iki gezek yzygider ýeňiş gazanyp gelýär. Getji soňky üç göreşde üç ýeňiş gazandy. Özleriniň soňky göreşlerinde göreşijileriň ikisi hem Donald Serronäni ýeňdiler: Toni “Kowboýdan” geçen ýylyň iýunynda üstün çykdy, lukman göreşi ikinji raunddan soň saklamaly boldy. Şol ýylyň sentýabrynda bolsa Jastin Getji Donaldy birinji raundda nokaut bilen ýeňdi.
Ýatladyp geçsek, esasy wakasy Nurmagomedow bilen Fergýusonyň göreşi bolmaly bolan UFC 249 turnirini 18-nji aprelde Bruklinde (Nýu-Ýork) geçirmek meýilleşdirilipdi. Koronawirus infeksiýasynyň ýaýramak howpy zerarly çäräni başga ýere geçirmeli boldy. Nurmagomedow turnire gatnaşyp bilmez, çünki ol karantin sebäpli Russiýadan çykyp bilenok.
Getji Nurmagomedowa derek Fergýuson bilen urşar
- 08.04.2020 23:41
- 7.5k+
