“Lester” “Barselonanyň” oýunçysy Koutinýony kärendesine almakçy bolýar

“Lester” iňlis futbol kluby Ispaniýanyň “Barselonasynyň” oýunçysy Filippe Koutinýony kärendesine almakçy bolýar, bu barada Trend TACC-a salgylanmak bilen habar berýär.
2019-njy ýylyň awgustynda “Barselona” resmi saýtynda “Bawariýa” futbol kluby bilen 8,5 mln ýewro bir ýyl möhlet bilen kärende boýunça şertnamanyň çäklerinde Koutinýonyň Mýunhen toparynyň hataryna geçmegi boýunça ylalaşyk gazanylandygyny habar berdi. Şondan bäri, 27 ýaşly Koutinýo nemesleriň “Bawariýasy” üçin çykyş edýär. Şeýle-de, braziliýaly oýunçy bilen “Mançester Ýunaýted” hem-de “Tottenhem” iňlis klublarynyň-da gyzyklanýandygy bellenilip geçilýär. 
Koutinýo Angliýanyň “Liwerpulyndan” “Barselona” 2018-nji ýylda ispan kluby üçin rekord baha, ýagny 145 mln ýewro geçýär. Geçen möwsümde futbolist ähli turnirlerde 54 oýna gatnaşdy, olarda 11 gezek gol geçirdi we bäş gezek netijeli geçirim etdi. Klub bilen bilelikde ýarym goragçy Ispaniýanyň iki gezek çempiony, Ispaniýanyň Kubogynyň we Super Kubogynyň eýesi boldy. Ol italýan “Interi”, Braziliýanyň “Wasko da Gama” topary we ispan “Espanýoly” üçin hem çykyş etdi.
Braziliýanyň ýygyndy toparynyň düzüminde Koutinýo 55 duşuşyga gatnaşyp, 15 gezek gol saldy. 2019-njy ýylda ýarym goragçy milli topar bilen bilelikde Amerikanyň Kubogynyň eýesi boldy.