Absolýut göreş çempionatynyň (UFC) prezidenti Dana Uaýt ýeňil agramda guramanyň çempiony Habib Nurmagomedowyň amerikaly Toni Fergýuson bilen göreş geçirmeli bolan UFC 249 turnirine gatnaşmajakdygyny tassyklady, diýip russian.rt.com habar berýär.
Bu barada Uaýt özüniň Twitterinde HBS-iň göreşiň barybir geçiriljekdigi baradaky habarlaryna jogap hökmünde ýazdy.
“Turnir geçiriler, ýöne Habibsiz. Men göreşleriň sanawyny ertir yglan ederin” – diýip UFC-niň ýolbaşçysy aýdýar.
Nurmagomedow 1-nji aprelde koronawirus pandemiýasy zerarly Toni Fergýuson bilen göreşiň geçirilmejekdigini mälim etdi. UFC-niň çempiony häzir Dagestanda, ol serhetleriň ýapylmagy zerarly Russiýadan çykyp bilenok. Şeýlelik bilen, eýýäm bäşinji gezek bu göreşi geçirmek başa barmady.
Belläp geçsek, ýaňy-ýakynda Belorussiýada Habib Nurmagomedow bilen Toni Fergýusonyň arasyndaky göreşi geçirmäge taýýardyklary barada informasiýa peýda boldy. Bu barada ýurduň garpyşyk göreş we garyşyk başa-baş göreş Federasiýasynyň ýerine ýetiriji müdiri habar berýär. Onuň aýtmagyna görä, UFC-ä resmi isleg iberilýär we promouşeniň ýolbaşçylygy Minski “şertli B meýilnama” goşýar.
“Biz UFC bilen dostlarymyz we şolar bilen gönüden-göni aragatnaşyk saklaýanlaryň kömegi bilen habarlaşdyk. Biz olara Belorussiýada ähli zadyň mümkindigini, prezidentimiziň köpçülikleýin çäreleri geçirilmegi çäklendirmändigini aýdyp, ýagdaýy düşündirdik. Elbetde, mundan öň biz Sport ministrligi we prezidentiň işlerini dolandyryş edarasynda döwletiň razyçylygyny soradyk. Razylyk alanymyzdan soň, UFC-ä şeýle teklibi berdik” – Sport24 garpyşyk göreş we garyşyk başa-baş göreş Federasiýasynyň ýerine ýetiriji müdiriniň sözlerini getirýär.
Ýöne muňa garamazdan, Dana Uaýt netijä geldi. Bu göreş Habibsiz geçiriler.
