UFC-niň rus çempiony Habib Nurmagomedowyň tälimçisi Hawýer Mendes eger-de UFC-niň prezidenti Dana Uaýt ýakyn wagtda UFC 249 turniriniň geçiriljek ýerini habar berse, onda Toni Fergýuson bilen göreşiň geçirilmeginiň ähtimaldygyny habar berdi. Bu barada championat.com saýtynda aýdylýar.
“Göreş heniz resmi taýdan ýatyrylanok, şonuň üçin men Dena Uaýt bahym UFC 249 turniriniň geçiriljek ýerini habar eder diýip umyt edýärin. Şonda biz özümiziň ilkibaşdaky meýilnamamyza dolanarys we Fergýuson bilen göreş hem geçiriler. Eger şeýle bolmasa, onda bu göreşiň sentýabra süýşürilip, San-Fransiskoda ýa-da Abu-Dabide geçirilmegine garaşaryn. Habib hemişe türgenleşýär, ýöne onuň türgenleşikleri idealdan daşda. Karantin şertlerinde türgenleşik proseslerini bir depginde saklamak kyn” – diýip, Hawýer Mendes özüniň podkastynda aýdýar.
Ýatladyp geçsek, öň UFC Nurmagomedowa göreşi ABŞ-da geçirip bolmaýandygyny habar berdi, netijede ol türgenleşik lagerini geçirýän ýerinden ýurtdan gitdi. 1-nji aprelde Habib Fergýuson bilen göreşiň ýatyrylandygyny, sebäbi karantin sebäpli serhetleriň wagtlaýyn ýapylmagy bilen Russiýadan çykyp bilmeýändigini habar berdi.
Habibiň tälimçisi: eger-de Uaýt UFC 249-yň geçiriljek ýerini habar etse, Fergýuson bilen göreş bolar
- 05.04.2020 13:02
- 12k+
