Ronaldu karýerasy üçin $1 mlrd gazanýan ilkinji futbolçy bolar

Turin “Ýuwentusynyň” portugaliýaly hüjümçisi Kriştianu Ronaldu taryhda karýerasy üçin $1 mlrd gazanýan ilkinji futbolçy bolar, diýip Business Insider portalyna salgylanmak bilen sportmail saýty nygtaýar.
Çeşmäniň maglumatlary boýunça, futbolçy koronawirus pandemiýasy bilen baglylykda girizilen karantin sebäpli aýlyklaryň azaldylandygyna garamazdan, 2020-nji ýylda milliard dollar belgisine ýeter.
“Ýuwentusdaky” aýlygyndan başga-da, Ronaldu CR7 erkek eşikleriniň brendine eýeçilik etmegiň we myhmanhanalar torunyň hasabyna, şeýle-de mahabat şertnamalarynyň hasabyna-da gazanýar.
Ronaldu taryhda milliard gazanýan üçünji sportsmen bolar. Bu öň golfçy Taýger Wudsa we boksçy Floýd Meýwezer-kiçä başartdy. Mundan başga-da, 2020-nji ýylda olara şweýsariýaly tennisçi Rojer Federer hem goşulmaly. 
Belläp geçsek, ýaňy-ýakynda Marca ispan neşiri öz okyjylarynyň arasynda taryhda iň gowy futbolça ses berlişik geçirdi. Ses berlişik pleý-off formatynda gurnaldy, onda okyjylar birnäçe rowaýaty oýunçylardan kimdir birini saýlamalydy, şondan soň ýeňiji indiki raunda geçýär. Final duelinde Lionel Messi (“Barselona”) we Kriştianu Ronaldu (“Ýuwentus”) gabat geldi. Iň gowy futbolçy diýlip sesleriň 54%-ni ýygnan portugaliýaly oýunçy ykrar edildi. Argentinaly oýunçyny ulanyjylaryň 46%-i saýlady. 
Ses bermäniň final ýolunda Ronaldu Paolo Maldiniden, Zinedin Zidandan we Diego Maradonadan öňe geçdi. Messi bolsa Ferens Puşkaşdan, Alfredo Di Stefanodan, Ronaldodan öňe geçdi. Üçünji orny Maradonadan 2% köp ses gazanmak bilen Ronaldo eýeledi.