UFC-niň ýeňil agramdaky çempiony Habib Nurmagomedow amerikaly Toni Fergýusona garşy geçiriljek göreşiniň ýatyrylandygyny aýtdy, diýip Trend agentligi Interfaksa salgylanyp habar berýär.
«Men ähli zada oňat düşünýän we bu söweşiň ýatyrylandygyna sizden hem beter gynanýaryn. Megerem, meniň hem hemmelerdäki ýaly, bu söweşden soň uly meýilnamalarym bardyr, ýöne men ähli zada erk edip bilemok» - diýip ruusiýaly türgen, söweşiň ýatyrylandygyny koronawirus ýokanjynyň ýaýramagy bilen düşündirip, instagram sahypasynda ýazypdyr.
«Öýde oturan ýerimde meniň söweşim bilen bagly adamlaryň reaksiýalaryny okaýaryn. Diýmek şeýle bolýar-da, tutuş dünýä karantinde oturmaly, dünýä döwletleriniň hökümetleriniň ählisi adamlary öýlerinde galmaga çagyrýar, keseliň ýaýramagynyň öňüni almak üçin howpsuzlyk çärelerini berjaý etmäge çagyrýar. Habib bolsa, ähli borçnamalardan boşadylyp, erkiň azatlygyny görkezip, janyny howp astyna salyp dünýäde aýlanyp ýörmelimikä?» diýip, Nurmagomedow sorag bilen ýüzlenýär.
Söweş 18-nji aprelde Nýu-Ýorkda geçmelidi.
Nurmagomedow – Fergýuson söweşi geçirilmez
- 02.04.2020 19:47
- 11k+
