Türkmenistanyň futzal ýaryşlary baradaky täzelikler halkara giňişliginde belli bolan futsalplanet.com saýtynda köpçülige ýetirilip başlandy. Bu barada Türkmenistanyň Futbol federasiýasynyň saýty habar berýär.
Bu saýtyň esasy sahypasyna gireniňizden soň, onuň LEAGUES&CUPS bölümine girmeli. Onuň yzysüresi bolsa ýurdy saýlamaly (meselem: Turkmenistan), şondan soň saýlan ýurduňyzyň çempionatynyň ýaryş tertibidir duşuşyklarynyň geçiş tertibine syn edip bilersiňiz.
Belläp geçsek, mundan öň, futzal boýunça Türkmenistanyň Naýbaşy ligasy baradaky habarlar Türkmenistanyň Futbol federasiýasynyň, Türkmenistanyň Sport we ýaşlar syýasaty ministrliginiň saýtlarynda, şeýle hem beýleki türkmen saýtlarynda futzal janköýerlerine ýetirilýärdi.
Türkmenistanyň futzal boýunça täzelikleri futsalplanet.com saýtynda hem berlip başlandy
- 01.04.2020 18:56
- 3.1k+
