Hawi “Barselonany” güýçlendirip biljek oýunçylary atlandyrdy

“Barselona”-nyň ozalky oýunçysy we häzirki wagtda “Al-Sadd” klubynyň baş tälimçisi Hawi Ernandes “gök-gyzyllary” kimiň güýçlendirip biljekdigi baradaky pikiri bilen paýlaşdy.
“Oýunçylaryň köp bölegi meniň üçin adatdan daşary oýunçy. Meniň üçin dünýäde iň gowusy bolan derwezebandan başlap, Jordi Alba meniň üçin dünýäde iň gowy çepki goragçy, Pike dünýäde iň gowy merkezi goragçy, Buskets dünýäde iň gowy goranýan merkezi hüjümçi, Messi bolsa dünýäde iň gowy oýunçy. Eger-de Luis Suaresi, Frenki de Ýongy we Artury goşsak, olar meniň üçin ýene-de bir on ýyl “Barselonada” kämilleşjek futbolçylar bolup durýar.
Baza örän gowy. Men esasan gapdaly güýçlendirerdim. Meselem, Neýmar. Men onuň sosial meselede gabat gelýändigi ýa-da däldigini bilemok, ýöne futbolda bolsa men onuň sanawa goşulmagynyň örän gowy boljakdygyna şübhelenemok. “Barselona”-nyň eýýäm içki oýny bar, ýöne oňa “Bawariýa”-daky ýaly gapdaly ýetenok. Topara täze oýunçy kän gerek däl. Jeýdon Sanço bilen Serž Gnabri gerek bolup biler” – diýip “La Vanguardia” ispan gazeti Hawiniň sözlerini getirýär.
Mundan başga-da championat.com “Barselona”-nyň koronawirus pandemiýasy zerarly maliýe ýitgilerinden howatyr edýändigini habar berdi. Çeşmäniň maglumatlary boýunça, klub 100 mln ýewro möçberinde ýitgi çeker diýlip çaklanylýar, bu bolsa 2019/2020-möwsüminiň 10% töweregine barabar bolar. Hut şu sebäp bilen hem klub oýunçylardan aýlyklary 70% azaltmaga razy bolmagy sorady, bu azaltma olara 106 mln ýewrony tygşytlamaga kömek eder.