«Ýuwentusyň» futbolçylary pandemiýa döwründe aýlyk haklarynyň azaldylmagyna razylaşdylar

Italiýanyň «Ýuwentus» klubynyň ýolbaşçylary koronawirus pandemiýasy döwründe aýlyk haklarynyň azaldylmagy bilen baglanyşykly futbolçylar bilen ylalaşyk gazandylar. Bu barada Trend TASS agentligine salgylanyp habar berýär.
Futbolçylaryň bir ýylky zähmet haklary 2020-nji ýylyň mart, aprel, maý we iýun aýlarynyň jemi aýlyk hakyna deň bolar. Bu ylalaşygyň netijesinde «Ýuwentus» 2019/2020 möwsümde 90 mln ýewro töweregi tygşytlar. Ýakyn wagtda şahsy şertnamalaryň goşmaça şertleri ylalaşylar. Bellenilişi ýaly, möwsümiň gaýtadan dikeldilen ýa-da resmi taýdan tamamlanan diýlip yglan edilen ýagdaýynda klub we oýunçylar ylalaşyklara gaýtadan serederler.
Klubyň resmi habarynda bellenilişi ýaly, «Ýuwentus» hemmeler üçin çylşyrymly döwürde ýagdaýa düşünendikleri üçin oýunçylara we tälimçilere minnetdarlyk bildirmek isleýär».
Italiýanyň çempionaty koronawirus pandemiýasy zerarly azyndan 3-nji maýa çenli togtadyldy. «Ýuwentus» turnir tablisasynda 26 oýundan soňra 63 utuk bilen birinji orny eýeleýär. Ikinji ýerde Rimiň «Lasio» kluby (62 utuk, 26 oýun) we üçünji ýerde Milanyň «Interi» (54 utuk, 25 oýun) dur.
Italiýada koronawirus ýokanjy bilen kesellemäniň 70 müňden gowrak ýagdaýy hasaba alyndy, ýurtda ýogalanlaryň sany 10 müňden geçdi.