UFC-niň prezidenti Dana Uaýt Habib Nurmagomedow bilen Toni Fergýusonyň arasyndaky titul ugrundaky göreşi süýşürmek meselesine asla ýol bermeýär, diýip Trend agentligi REN TW salgylanyp habar berýär.
«Izwesitiýa» neşiriniň habar berşi ýaly, D.Uaýt Maýk Taýson bilen söhbetdeşliginde uzak garaşylan Nurmagomedow – Fergýuson göreşini UFC 249 ýaryşynyň çäkleirnde geçirmäge çalyşjakdygyny beýan etdi.
«Men 18-nji aprelde Habib bilen Toniniň söweşini geçirmäge we şonuň bilen hem adamlara az-kem kadaly durmuşa dolamaga çalşaryn» - diýip Uaýt aýtdy.
UFC-niň prezidenti guramaçylaryň öz maksatlaryndan dänmejekdiklerini aýtdy. Mundan başga-da, ol habar beriş serişdelerini «elhenç» ýagdaýy döretmekde aýyplady.
«Adamlar köpçülikleýin hajathana kagyzyny satyn alýarlar. Eger-de siz daş-töweregiňize göz aýlasaňyz, onda adamlaryň başga-da köp sanly geň zatlary edýändiklerini görersiňiz. Bu zatlar gorkynyň etdirýän zady» - diýip, Uaýt aýtdy.
24-nji martda, guramaçylar çempionlyk duşuşygyny geçirmäge ýer tapandyklaryny aýtdylar. Ol ýer, häzirlikçe, gizlinlikde saklanýar.
18-nji aprelde ahyrsoňunda Habib Fergýuson bilen göreşer
- 29.03.2020 12:38
- 11622
