«Borussiýa» (Dortmund) futbol klubynyň futbolçysy Marko Roýs dogduk şäheri Dortmundyň koronawirus pandemiýasy zerarly kynçylyklara sezewar bolan kiçi we orta telekeçilerine 500 müň ýewrony haýyr-sahawat hökmünde geçirdi. Bu barada futbolçy Instagram sahypasynda habar berdi, diýip Trend agentligi TASS agentligine salgylanyp habar berýär.
30 ýaşly Roýs Dortmunda doglup, 2012-nji ýyldan bäri ýerli «Borussiýa» klubynyň düzüminde çykyş edýär. Futbolçy aýaly Skarlett bilen bilelikde «Öz dogduk şäheriňe ýardam et» atly gazna döretdiler. Gaznanyň serişdeleri Dortmundyň kiçi we orta kärhanalaryna kömek üçin gider.
«Häzirki wagtda ýokanjyň ýaýramagynyň öňüni almak üçin şahsy özara gatnaşyklary mümkin boldugyndan azaltmaly. Bu bolsa kiçi we orta telekeçilik üçin ägirt uly meseleleri döredýär. Işiniň ugruganlygyna garamazdan, olar birnäçe hepdeläp müşderisiz oňmak üçin ätiýaç toplap bilmediler. Şol bir wagtda kiçijik dükanlar, dellekhanalar, restoranlar her bir şäheriň özboluşlylygyny emele getirýär. Şonuň üçin hem olary goldamak isleýäris we sizi hem öz şäheriňizde şular ýaly işleri etmäge çagyrýarys» - diýip Roýs aýtdy.
«Borussiýanyň» futbolçysy Roýs Dortmundyň kärhanalaryna 500 müň ýewrony haýyr-sahawat etdi
- 29.03.2020 11:38
- 5.3k+
