“Ýuwentus” Marselony satyn almak isleýär: braziliýaly oýunçy muny islese, “Real” garşy bolmaz

“Realyň” goragçysy Marselo karýerasyny “Ýuwentusda” dowam etmegi ahmal. Bu barada “Marca” gazetine salgylanmak bilen championat.com habar berýär.
“Marca” ispan gazetiniň habar bermegine görä, braziliýaly oýunçy şowsuz möwsüme we köp sanly şikes ýetmelere garamazdan, “Ýuwentusdan” başlap, köp sanly klublaryň ünsüni özüne çekýär. Bellenilip geçilişi ýaly, geçen tomusda “Ýuwentusyň” baş tälimçisi Maurisio Sarri Marselony öz toparynda görmek isledi, şonuň üçin häzir italýan kluby bu oýunça bolan gyzyklanmasyny artdyrdy.
Sarri “Ýuwentusa” bu pozisiýany güýçlendirmegiň möhümdigini aýdýar we Marselo munuň üçin iň gowy wariant diýip hasaplaýar. Tälimçi düzümde Aleks Sandrony aňsatlyk bilen çalşyryp biljek oýunçyny öz toparynda görmek isleýär.
Marselonyň “Real” bilen hereket edýän şertnamasynyň möhleti iki ýyldan tamamlanýar. Eger-de oýunçy özüniň klubyny üýtgetmek barada islegini duýdursa, onda Madrid kluby “Ýuwentusyň” teklibini gözden geçirer we bu şertnamanyň amala aşyrylmagyna garşylyk bildirmez.
2019-njy ýylyň gyşynda “Ýuwentusyň” hüjümçisi Kriştianu Ronaldunyň Marselony italýan klubyna geçmäge yrýandygy habar berildi. Ondan soň braziliýaly oýunçynyň “Ýuwentusa” geçmek isleýandigini “Reala” duýdurandygy belli boldy. Bu gürrüňlere garamazdan, transfer ýola goýulmady.
Şu möwsümde Marselo “Real” üçin La Ligada 11 oýna gatnaşyp, 3 gezek netijeli geçirim etdi. Braziliýaly oýunçy Madrid klubynda 2007-nji ýyldan bäri çykyş edýär.