Koronawirus zerarly Angliýanyň futbol boýunça togtadylan çempionaty iýun we iýul aýlarynda dowam etdirilip bilner. Bu barada «The Telegraph» britan neşiri habar berýär, diýip Trend TASS-a salgylanýar.
Öň bellenilişi ýaly, duşuşyklar tomaşaçysyz geçirilmelidi. Çeşmäniň berýän maglumatlaryna görä, indiki möwsüm 8-nji awgustda başlanar.
Iňlis premýer ligasynyň ýolbaşçylarynyň beýan etmegine görä, çempionat 30-njy aprelden bärde başlanmaz. Häzirki wagtda koronawirusyň ýaýramagy zerarly Italiýanyň (3-nji aprele çenli), Germaniýanyň (2-nji aprele çenli), Ispaniýanyň (5-nji aprele çenli) we Fransiýanyň (kesgitsiz möhlete çenli) futbol boýunça çempionatlary togtadyldy. Russiýanyň çempionaty 10-njy aprele çenli saklanyldy. Çempionlar ligasynyň we Ýewropa ligasynyň duşuşyklary ýatyryldy, sişenbe güni bolsa, Ýewropa futbol assosiasiýalarynyň birleşigi (UEFA) milli çempionatlary 30-njy iýundan gijä galman tamamlamagy maslahat berdi. Tomusda geçirilmegi meýilleşdirilen 2020-nji ýylyň Ýewropa çempionaty bir ýyl yza süýşürildi.
Angliýanyň premýer ligasynyň duşuşyklary iýun we iýul aýlaryna geçirilip bilner
- 22.03.2020 15:04
- 4k+
