“Barselona”-nyň hüjümçisi Lionel Messi häzirki wagtda “Pari Sen-Žermen”-de çykyş edýän braziliýaly hüjümçi Neýmaryň dolanan ýagdaýynda klubda galmaga taýýar, bu barada championat.com habar berýär.
Çeşmäniň maglumatlaryna görä, argentinaly oýunçy klubda özüni gowy duýanok. Oňa toparyň sport netijeleri, şeýle-de onuň dostlukly gatnaşygy saklaýan tälimçisi Ernesto Walwerdeniň işden gitmegi hiç hili ýaranok.
Messini klubda saklap biljek ýekeje zat, ol hem onuň bilen 2013-nji ýyldan 2017-nji ýyla çenli klubyň düzüminde bile çykyş eden Neýmaryň dolanmagydyr. Messi “Barselona”-nyň ýetişdiren oýunçysy hasaplanylýar. Katalon klubynyň düzüminde bu hüjümçi 2001-nji ýyldan bäri çykyş edýär. Onuň häzirki şertnamasy 2021-nji ýylyň 30-njy iýunyna çenli niýetlenilen.
Neýmar “Barselona”-dan “PSŽ”-niň düzümine 2017-nji ýylyň tomsunda 222 mln ýewro geçdi. Geçen tomus braziliýaly oýunçy “Barselona” dolanmaga synanyşyk etdi, ýöne klublar şertleşigiň maliýe ýagdaýy barada ylalaşyga gelip bilmediler.
Çeşme: Messi Neýmar dolanan ýagdaýynda “Barselonada” galar
- 19.03.2020 09:40
- 6.8k+
