UFC-niň ýeňil agram boýunça çempiony Habib Nurmagomedow Konor Makgregor bilen Jastin Getjiniň arasynda geçirilmegi mümkin bolan göreş baradaky pikiri bilen paýlaşdy. Bu barada isport.ua habar berýär.
“Meniň özüm-ä Jastin Getjiniň ýeňmegini isleýärin. Ýöne bu ýerde mümkinçilikler deň. Belki, köpler hem bu ýerde elli-elli diýip pikir edýändir. Ähli zat aýak üstünde belli bolar. Jastin – elbetde, iň gowy ýeňil agramlylaryň biri.
Oňa diňe öz güýjüne ynanmak gerek. Özüniň bir wagt çempion boljakdygyna ynanmak gerek. Men Getjini onuň pikir obrazy üçin hormatlaýaryn. Maňa onuň pikir ýöredişi ýaraýar. Ol özüni synap görmek isleýär, bu hem gowy” – “MMA Junkie” täzelikler saýty Nurmagomedowyň sözlerini getirýär.
Ýatladyp geçsek, Makgregor ýanwarda amerikaly Donald Serronäni birinji raundda nokautirledi. Getji geçen ýylyň sentýabrynda oktagona çykdy. Şonda ol hem Serronäni nokautirledi.
Öň, Makgregoryň Getji bilen göreş barada gepleşiklere başlandygy habar berildi. Ýagny, UFC-niň iki agram boýunça ozalky çempiony Konor Makgregor indiki göreşini amerikan Jastin Getjä garşy alyp barmagy mümkin we bu göreş 2020-nji ýylyň tomsunda geçiriler diýen pikir bar.
Ýaňy-ýakynda Habib Fergýuson bilen bagly göreşi barada instagramda şeýle ýazdy: “Bizi arena salyň, şonda siz kimiň çempiondygyny bilersiňiz”.
Nurmagomedow Makgregor-Getji göreşi barada pikirini aýtdy
- 16.03.2020 21:39
- 9.4k+
