Katalon “Barselonasynyň” ýolbaşçylygy toparyň esasy oýunçysy Lionel Messi üçin täze zähmet şertnamasyny taýýarlaýar, bu barada euro-football.ru habar berýär.
“Gök-gyzyllar” 32 ýaşly argentinaly hüjümçi bilen täze şertnama baglanyşmaly, oňa laýyklykda futbolçy möwsüm üçin 50 million ýewro gazanar. Şertnamanyň möhleti 2023-nji ýylyň ortalaryna çenli niýetleniler.
Messi “Barselonanyň” ýetişdiren futbolçysy hasaplanylýar. Katalon klubynyň düzüminde hüjümçi 2001-nji ýyldan bäri çykyş edýär.
Ýatladyp geçsek, taraplaryň arasyndaky häzirki şertnamanyň möhleti 2021-nji ýylyň tomsunda gutarýar. Ýöne onda futbolçynyň ýakyn tomusda hiç hili tölegsiz topardan gidip bilýändigini görkezýän punkt hem bar.
Şu möwsümde ähli tapgyrda Lionel “gök-gyzyllar” üçin 31 oýna gatnaşyp, 24 gezek gol saldy we 16 gezek netijeli pas geçirim etdi. Öz karýerasynda Messi jemi ispan kluby üçin 718 oýna gatnaşmak bilen 627 gezek gol saldy we 261 gezek netijeli ýardam pasyny geçirdi.
“Barselona” 58 utuk gazanmak bilen ispan Premýerasynyň turnir tablisasyny esaslandyrýar. 28-nji tapgyrda Enrik Setýeniň topary “Malýorka” bilen duşuşar. Duşuşyk 14-nji martda geçiriler.
“Barselona” Messä ýylda 50 mln ýewroly aýlyk bilen şertnama hödürlär
- 09.03.2020 22:30
- 3.6k+
