“Barselonanyň” täze formasynyň suraty peýda boldy

Internetde “Barselonanyň” oýunçylarynyň 2020/21 möwsümde geýmeli bolan üçünji formalarynyň suraty peýda boldy. Katalonlylaryň eşikleriniň üçünji komplekti gülgüne reňkde, hemaýat edijiniň we öndürijiniň logotipi bolsa gara reňkde berlen. Futbolkanyň ýeňinde gara we mawy reňkli zolaklar bar.
Katalonlylar üçin formany Nike kompaniýasy döretdi. Ol 2020-nji ýylyň sentýabrynda hödürleniler.
Belläp geçsek, gülgüne eýýäm “Barselonanyň” eşiginde öň peýda boldy. Toparyň 2018/19-möwsümdäki üçünji formasy hut şu reňkde ýerine ýetirilipdi. “Barselonanyň” hüjümçisi Lionel Messiniň La Liga tarapyndan fewral boýunça iň gymmat futbolist diýlip ykrar edilendigini hem belläp geçmek gerek.
Geçen aýda 32 ýaşly argentinaly oýunçy Ispaniýanyň çempionatynda dört oýna gatnaşdy. Olarda katalonlylaryň hüjümçisi dört gezek gol saldy we alty gezek netijeli pas etdi.
“Barselona” bu döwürde “Lewanteni” (2:1), “Betisi” (3:2), “Hetafeni” (2:1) we “Eýbary” (5:0) utdy.
La Liganyň häzirki möwsüminde Lioneliň hasabynda 21 oýun, 18 gol we 12 netijeli pas bar.
“Barselona” Ispaniýanyň çempionatynyň turnir tablisasynda 26 tapgyrda 55 utuk gazanmak bilen ikinji orunda ýerleşýär.