Neýmaryň şu tomusda “Barselona” dolanmagy mümkin

“Pari Sen-Žermeniň” hüjümçisi Neýmaryň tomus transfer penjiresinde “Barselona” dolanmagy ahmal. “AS” neşiriniň habar bermegine görä, “Barselonanyň” ýakyn tomusda esasy transfer maksady “PSŽ-niň" braziliýaly hüjümçisi Neýmar bolup durýar. Braziliýaly futbolistiň parižlileriň sport müdiri Leonardo bilen gatnaşyklary düýbünden bozuldy, şol sebäpli ol topardan gitmäge taýýar.
Neşiriň maglumatlaryna görä, katalon kluby futbolisti tomus transfer penjiresinde dolamak üçin uly tagallalary ýola goýar. Geçen ýyl “Barselona” “PSŽ” bilen gepleşikleri geçirmek gerek bolan bolsa, bu gezek olar Neýmary FIFA-nyň reglamenti tarapyndan göz öňünde tutulan belli bir pul möçberinde satyn alyp bilerler. Düzgünde şeýle bellenilýär, oýunçy üç möwsüm gutarandan ýa-da sportsmeniň 28 ýaşy dolmazyndan öň baglaşan şertnamasyndan bir ýyl geçenden soň belli bir pul möçberi bilen klubdan gidip bilýär.
Eger-de Neýmar “PSŽ” bilen şertnamany ýatyrmak islese, onda FIFA futbolistiň kluba tölemeli pul möçberini kesgitlär. “Barselonanyň” ýolbaşçylarynyň hasaplamalaryna görä, bu puluň möçberi 180 mln ýewro bolar. Bu puly Neýmaryň özi ýa-da onuň geljekki kluby hem töläp biler.
Öň, “PSŽ-niň” braziliýaly futbolisti 190 million ýewro satjakdygy barada habar berildi. Ýatladyp geçsek, 2017-nji ýylda braziliýaly oýunçy rekord möçberde, ýagny 222 million ýewro “Barselonadan” gidip, “PSŽ-a” geçdi. Eýýäm, bir ýyldan “katalonlylar” ony yza dolamak islediler, ýöne oýunçy bilen ylalaşmak başartmady.
Häzirki möwsümde 28 ýaşly Neýmar “PSŽ” üçin ähli turnirlerde 20 oýna gatnaşdy, 16 gezek gol saldy we 10 gezek hem pökgini netijeli geçirdi. Onuň klub bilen şertnamasy 2022-nji ýylyň tomsuna çenli hereket edýär.