“Barselona” tomusda dört sany oýunçy satyn almakçy bolýar

“Barselona” tomus transfer penjiresinde birbada dört sany futbolçyny satyn almagy meýilleşdirýär, bu barada Sport.es habar berýär.
Çeşmäniň maglumatlaryna görä, katalon klubynyň ýolbaşçylygy toparyň lideri Lionel Messiniň özüniň karýerasynyň soňky ýyllarynda güýçli ýoldaşlara eýe bolmagyny isleýär.
“Barselonanyň” esasy transfer maksady iki goragçydan we iki hüjümçiden ybarat. Katalonlylar iki sany merkezi goragçy bilen şertnama baglaşmagy berk ýüregine düwýär, çünki häzirki wagtda düzümde diňe Pikeden, Umtitiden we Langleden ybarat üçlük, hüjümçi zolagynda bolsa iki futbolçy bar, sebäbi Usman Dembele bilen Luis Suares köplenç, şikes ýetmä sezewar bolýarlar. Şeýle-de, ýarym goragçy satyn almak mümkinçiligine hem seredilip bilner.
“Barselona” 26 tapgyrda 55 utuk gazanmak bilen Ispaniýanyň çempionatynyň turnir tablisasynda ikinji orny eýeleýär, birinji setirde bolsa Madridiň “Realy” ýerleşýär. Ýatladyp geçsek, çempionatyň geçen 26-njy tapgyrynda “katalonlylar” olardan 2:0 hasaby bilen ýeňildiler. Madrid klubynyň hasabynda 56 bal bar. Indiki tapgyrda katalonlylar öz meýdançasynda “Real Sosýedad” bilen duşuşar. Duşuşyk 7-nji martda geçiriler. Çempionlar ligasynyň 1/8 finalynyň birinji duşuşygynda “Barselona” “Napoli” bilen duşuşdy, oýun 1:1 hasaby bilen deňe-deň gutardy. Jogap oýny 18-nji martda geçiriler.