Ronaldu 2020-nji ýylda birinji gezek gol geçirmedi

Penşenbe güni, 26-njy fewralda Çempionlar ligasynyň 1/8 finalynyň ilkinji oýny “Lion” – “Ýuwentus” boldy. “Ýuwentus” Çempionlar ligasynyň bu oýnunda “Lion”-dan 1:0 hasap bilen utuldy.
Turinlileriň hüjümçisi Kriştianu Ronaldu 2020-nji ýylda birinji gezek goly bilen tapawutlanyp bilmedi. 2020-nji ýylda ol “Lion” bilen duşuşykdan galanlaryň ählisinde gol geçirdi. Italýanyň Seriýa A çempionatynda Ronaldu geçen ýylyň dekabryndan başlap ähli oýunlarda gol salýar we şu ýylda birinjiligiň ýedi oýnunda garşydaşlaryň derwezesine 11 gezek zarba urýar. Bu döwürde Italiýanyň Kubogynda hüjümçi iki oýna gatnaşdy we olaryň hersinde gol geçirdi.
“Lion” – “Ýuwentus” oýnunda ýekeje goluň awtory ýer eýeleriniň ýarym goragçysy Luka Tusar boldy. Toparlaryň jogap duşuşygy Turiniň “Alýans” stadionynda 17-nji martda geçiriler.
Häzirki möwsümde 35 ýaşly hüjümçi ähli turnirde 31 oýna gatnaşdy, olarda 25 gezek gol saldy we üç gezek pökgini netijeli geçirdi.