Ýewropa futbol Ligasynyň 1/8 finalyna çykan 15 sany topar belli boldy.
Çarşenbe we penşenbe günleri geçen 1/16 finalyň jogap oýunlarynyň netijesi boýunça, turniriň indiki tapgyryna “Baýer”, “Wolfsburg” (ikisem – Germaniýa), “Bazel” (Şweýsariýa), “Wulwerhempton”, “Mançester Ýunaýted” (ikisem – Angliýa), “Istanbul Başakşehir” (Türkiýe), “Inter”, “Roma” (ikisem – Italiýa), “Kopengagen” (Daniýa), LASK (Awstriýa), “Olimpiakos” (Gresiýa), “Reýnjers” (Şotlandiýa), “Sewilýa”, “Hetafe” (ikisem – Ispaniýa) we “Şahtýor” (Ukraina) çykdy. Ýewropa Ligasynyň 1/16 finalynyň awstriýa “Zalsburgy”-nyň nemes “Aýntraht” bilen jogap duşuşygy (birinji duşuşyk – 1:4) tupanyň boljakdygy duýdurylandan soň, anna gününe geçirildi we ol indi turniriň 1/8 finalynyň bije çekilişiginden soň geçiriler.
Ýewropa Ligasynyň indiki tapgyrynyň bije çekilişigi anna güni Nýonede (Şweýsariýa) geçiriler. 1/8 finalynyň ilkinji oýunlary 12-nji marta, jogap oýunlary 19-njy marta meýilleşdirilen.
Ýewropa ligasynyň 1/8 finalyna gatnaşyjylaryň 16-syndan 15-si belli edildi
- 28.02.2020 23:10
- 3.5k+
