MMA-nyň rus göreşijisi, UFC-niň ýeňil agram boýunça çempiony Habib Nurmagomedow Konor Makgregor bilen rewanşyň näme üçin özüni gyzyklandyrmaýandygyny düşündirdi. 2018-nji ýylyň oktýabrynda Nurmagomedow dördünji raundda Makgregory ýeňdi.
Habibiň aýtmagyna görä, edil häzir ol irlandiýalyny özi üçin hakyky garşydaş hasaplamaýar.
“Meniň pikirimçe, adamlar geçen gezekde bolan zatlaryň dowamyny görmek isleýärler. Olar drama isleg bildirýärler. Eger-de siz “Kim ýeňer?” diýip sorasaňyz, tas hemmesi diýen ýaly Habib diýip jogap berer, sebäbi men birinji göreşde ýeňiş gazandym. Hemmeler munuň nähili bolýandygyny görmek isleýärler. Ýöne bularyň ählisi şou üçin.
Ikinji göreş maňa köp pul getirerdi we drama meýilnamasynda hem gowy göreş bolardy. Ýöne eger-de gürrüň çynlakaý titul ýaryşy barada gidýän bolsa, Konor munuň üçin gabat gelenok.
Men özümiň mirasym barada alada edýärin, onuň täsirli bolmagy üçin bolsa Dastin Porýe, El Ýakwinta ýaly güýçli göreşijileri ýeňmeli. Häzir men Toni Fergýuson bilen göreşe taýýarlyk görýärin. Çempion guşagy ugrunda ýasama däl-de, hakyky dalaşgärler bilen uruşmak isleýärin” – diýip, TMZ web-saýty Nurmagomedowyň sözlerini getirýär.
Habib: “Galp dalaşgärler bilen uruşmak islemeýärin”
- 27.02.2020 23:21
- 12k+
