“Real” Mbappe derek Holanny satyn almak isleýär

“The Sun” gazetiniň habar bermegine görä, Madridiň “Realy”  Fransiýanyň ýygyndy toparynyň we “PSŽ-niň” hüjümçisi Kilian Mbappeni satyn almakdan ýüz öwrüp, oňa derek Dortmundyň “Borussiýasynyň” norwegiýaly bombardiri Erling Holanny satyn almak isleýär.
“Real” 19 ýaşly hüjümçiniň transfer mümkinçiligini eýýäm geljek tomusda göz öňünde tutýar. Ýatladyp geçsek, şu gyşda Holan “Zalsburgdan” 4,5 ýyllyk zähmet şertnamasyna gol çekmek bilen nemes klubyna geçdi. Holandyň dortmundlylar bilen şertnamasy 4,5 ýyla niýetlenilen, ýöne onda hüjümçiniň “Borussiýadan” 2021-nji ýylda 65 million funta gidip biljekdigini görkezýän punkt bar. Ýöne “Real” futbolistiň ugruna eýýäm şu tomusda çykmak isleýär, çünki şeýle etmek transferi, takmynan, 250 million funt bilen bahalandyrylýan Mbappeni satyn almakdan has amatly bolýar.
Şu möwsümde ol 29 oýna gatnaşyp, 39 gezek gol saldy. “Borussiýany” düzüminde Erling ähli turnirde sekiz duşuşyga gatnaşdy, ol 12 gezek goly we bir gezek pökgini netijeli geçirmesi bilen hasaba alyndy.