Makgregoryň tälimçisi: “Konor sportuň çägindäki ýalňyşlary üçin jogap bermeli boldy”

Garyşyk başa-baş göreşiň irlandiýaly göreşijisi Konor Makgregoryň tälimçisi Jon Kawana öz göreşijisine näme üçin guwanýandygyny düşündirdi.
Öň, Makgregor birnäçe dawalara we gapma-garşy ýagdaýlara gatnaşypdy. Sportsmeniň 2018-nji ýylda tizligini artdyrandygy üçin sürüjilik şahadatnamasy elinden alyndy, geçen ýylyň noýabrynda bolsa ol Dublinde bir adama topulandygy üçin bir müň ýewro jerime töledi.
— Men Konora diýseň buýsanýaryn – diýip, Kawana RTE bilen gürrüňdeşlikde aýtdy. – Men onuň bir özüniň biziň sportumyzy tanadandygyna düşünýärin. 60-ýaşly aýallar meni saklap, onuň türgenleşiginiň nähili geçýändigini soraýarlar. Ol özüniň ýalňyşlary we şowsuzlyklary üçin özi jogap berdi. Ol sportuň çäginde eden ýalňyşlary üçin “tölemeli boldy”.
Öň, Jon Kawana Konoryň geljek dört aýyň içinde ýene bir göreş geçirjekdigini habar berdi we onuň garşydaşy hökmünde kimi görmek isleýändigini aýtdy.
— Men Konor tomusa çenli uruşmasa, örän geň galaryn. Ol tomusa çenli hökman göreş geçirer.
Onuň bolup biljek garşydaşy baradaky soraga Kawana oňa garşy göreşde Jastin Geýtjini görmek isleýändigini mälim etdi.
“Jastin Geýtji ýarym orta agramda. Bu meniň şahsy makullamam”.
2020-nji ýylyň ýanwarynda Makgregor 2018-nji ýylyň 6-njy oktýabrynda Habib Nurmagomedowdan ýeňilenden soň birinji göreşini geçirip, amerikaly Donald Serroneden üstün çykdy.
Şundan soň 31 ýaşly irlandiýaly türgen Nurmagomedowa garşy rewanş geçirmek isleýändigini aýtdy.
MMA-da professional karýerasy ugrunda Makgregor 26 göreşe gatnaşdy, 22-sinde ýeňiş gazandy (19-sy nokaut bilen) we ýeňil agram hem-de ýarym ýeňil agram boýunça UFC-niň çempion guşagyny ele aldy.