Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 42-si hasaba alyndy.
Daşary ýurt puluna Beýik Britaniýadan, Russiýa Federasiýasyndan, Türkiýeden, Birleşen Arap Emirliklerinden, Owganystan Yslam Respublikasyndan gelen telekeçiler Türkmenbaşydaky nebiti gaýtadan işleýän zawodlar toplumynda öndürilen nebit koksuny, bazalaýyn ýagy, awtobenzin satyn aldylar. “Türkmengaz” döwlet konserninde öndürilen ýokary dykyzlykdaky polietilen we tehniki kükürt Russiýa Federasiýasyndan, Özbegistandan, Owganystan gelen işewürleriň, plastik tarasy bolsa BAE-den gelen işewürleriň geleşikleriniň esasyny düzdi.
Bulardan başga-da, Russiýadan, ABŞ-dan, BAE-den, Türkiýeden, Serbiýadan, Gyrgyzystandan, Estoniýadan gelen telekeçiler daşary ýurt puluna buýan köküniň erginini, nah ýüplük, mebel pagtasyny we elde dokalan haly satyn aldylar. Geleşikleriň jemi bahasy ABŞ-nyň 65 million 141 müň dollaryndan gowrak boldy.
Manat serişdelerine Beýik Britaniýanyň, BAE-niň, Gazagystanyň, Hytaýyň işewür toparlarynyň wekilleri bahasy 4 million manatlykdan gowrak nah ýüplügi satyn aldylar.
Geçen hepde boýunça Türkmenistanyň birža täzelikleri
- 22.02.2020 22:36
- 4.6k+
![Geçen hepde boýunça Türkmenistanyň birža täzelikleri](https://tmcars.info/tmcars/images/original/2020/02/23/10/36/6f9aca39-4043-4f2f-aaab-51b2a2228e93.jpg)